San Bernardo

"Alam ng mga tapat na mananampalataya kung gaano nila kailangan si Hesus at ang Kanya naipakong katawan; at bagamat namangha sila at nagagalak sa di-masayod na pag-ibig na nahayag sa Kanya, hindi sila nasisindak sa katotohanan na wala silang maialay na higit pa sa kanilang mga dukha at hamak na kaluluwa kapalit ng napakadakilang pag-ibig na nagpakababa para sa kanila. Lalo pa silang nagmamahal, sapagkat nababatid nila na sila ay minamahal nang ganoon na lamang…" [1] Si San Bernardo ay ipinanganak sa isang marangal na pamilya noong 1090 sa Fontaines, sa silangang bahagi ng France. Nag-aral siya ng panitikan at banal na kasulatan sa ilalim ng mga canon sa Châtillon-sur-Seine. Nang siya ay 23 taong gulang, siya at 30 batang maharlika ay pumasok sa monasteryo ng Cîteaux, ang monasteryo na pinagmulan ng Orden ng mga Cistercian. Tatlong taon pagkaraan, isinugo siya upang itatag ang monasteryo ng Clairvaux. Naging napaka-impluwensyal si San Bernardo. Nagsilbi siyang kalihim sa Sinodo ng Troyes (1128), sinuportahan si Innocencio II sa kanyang pakikipagtunggali sa isang karibal na naghabol ng posisyon ng papa, at hinimok ang pagkundena sa mga turo ni Abelard sa Konsilyo ng Sens (1140) at kay Gilbert de la Porrée sa Reims (1148). Ang kanyang monasteryo sa Clairvaux ay umaakit ng maraming bagong miyembro; mula rito, nagpadala ng mga monghe sa Portugal, Switzerland, Italya, Alemanya, Sweden, Inglatera, at Ireland upang magtayo ng mga bagong komunidad ng Cistercian. Siya ay isang napakahusay na manunulat na lubos na nakaaalam ng Biblia. Mahal na mahal niya si Maria. Si Bernardo ay kinanonika noong 1174 ni Papa Alejandro III at idineklara bilang Doktor ng Simbahan noong 1830 ni Papa Pio VIII. [2] Isinulat ni Sarah Ciotti Sinuri ni Fr. Hugh Feiss, OSB, STD [1] St. Bernard of Clairvaux, On Loving God, Christian Classics Ethereal Library, 7, www.ccel.org. [2] Catholicpedia: The Original Catholic Encyclopedia (1917) para sa iPhone, iPad, at iPod Touch. s.v. "St. Bernard of Clairvaux." Salamat sa inyong pakikiisa sa panalangin. Kung nararamdaman ninyong kayo ay tinatawag, ang inyong handog sa Kuwaresma ay tumutulong na maihatid ang panalanging ito sa mas maraming puso at wika. Mag-ambag na ngayon