Santa Cecilia

Nabuhay si Santa Cecilia noong ika-2 o ika-3 siglo A.D. Ayon sa isang alamat mula sa huling bahagi ng ika-5 siglo, ipinakasál siya nang labag sa kanyang kalooban kay Valeriano, ang magiging santo, na noon ay isang pagano. Sinabi niya kay Valeriano na ninanais ng isang anghel ng Diyos na manatili siyang birhen. Nangako si Valeriano na igagalang niya ito kung pahihintulutan siyang makita ang anghel. Sumagot si Cecilia na makikita niya ito kung siya ay mabibinyagan. Nang bumalik siya mula sa binyag, nasumpungan niya si Cecilia na nakikipag-usap sa anghel. Pagkatapos ay napabalik-loob niya ang kapatid ni Valeriano na si Tiburcio, na nakakita rin sa anghel. Ang dalawang lalaki ay naging martir bago pa siya. Ipinamahagi ni Santa Cecilia ang kanyang mga pag-aari sa mga dukha, na nagpagalit sa preto na si Almakio, na nag-utos na sunugin siya. Nang hindi siya nasaktán ng mga apoy, siya ay pinugutan ng ulo. Lubos siyang pinagpitagan sa unang Simbahang Romano at siya ang patrona ng mga musikero. [1][2][3][4] Isinulat ni Sarah Ciotti Sinuri ni Fr. Hugh Feiss, OSB, STD [1] F.L. Cross at E.A. Livingstone, The Oxford Dictionary of the Christian Church (London: Oxford University Press, 1974), 257. [2] Fr. Hugh Feiss, OSB, The Martyrology of the Monastery of the Ascension, 2008. [3] Catholicpedia: The Original Catholic Encyclopedia (1917) para sa iPhone, iPad, at iPod Touch. s.v. "St. Cecilia." [4] Britannica, The Editors of Encyclopaedia. "St. Cecilia". Encyclopedia Britannica, 2 Nov. 2022, https://www.britannica.com/biography/Saint-Cecilia Salamat sa iyong pakikiisa sa panalangin. Kung nararamdaman mong tinatawag, ang iyong alay sa Kuwaresma ay tumutulong na dalhin ang panalanging ito sa mas maraming puso at wika. Mag-ambag ngayon